lørdag 21. november 2015

Brüssel



Her kjem nokre teikningar frå Brüssel! Eg var der med teikneserieklassen eg underviser i, og det var ein veldig fin tur. Me besøkte bl.a Hergé-museet, og det var så inspirerande å sjå alle originalane, skissene og storyboarda som var utstilt der. Anbefales!

Medan eg var i Brüssel la me inn bud på ei fantastisk leiligheit i Oslo, og den blei faktisk vår! Så då eg kom heim var det rett i gang med å fikse huset vårt for fotografering og visning. Det er ingen liten jobb! Huset er fortsatt ikkje solgt, men me krysser fingre for at det blir det snart. I tillegg til det har eg undervist og jobba med eit oppdrag, men no er det jo snart desember, og då er planen å jobbe vidare på boka mi. Eg har ikkje fått jobba på boka sidan august (!) og det er ein så utruleg kjip følelse. Men desember, desember! Då skal det skje. Må berre få unna enda eit oppdrag, men etter det, DÅ blir det jobbing på boka.

mandag 26. oktober 2015

Gouache rage?

Ryddar på kontoret i dag, og fant denne teikninga. Kan ikkje hugse å ha laga den, og eg kan heller ikkje hugse å ha kalla noko for gouache rage. Hehe.

fredag 23. oktober 2015

Skissebok og BokPod


Her er nokre skisser frå då eg høyrde på den nyaste episoda av BokPod. Denne gongen var Beate Grimsrud intervjua, og eg er veldig glad i bøkene hennar. Er du nysgjerrig på korleis kreative folk jobbar bør du høyre på denne podcasten, den er veldig inspirerande! Dagens tips til helga.

torsdag 8. oktober 2015

Alt og ingenting

I dag sitt eg ved skrivebordet og har så mange forskjellige ting å gjere at eg ikkje får gjort noko som helst. Kjennes det som iallfall. Mailar eg skal svare på, søknadar som skal skrivast, teikningar som bør bli ferdig og skuleoppgåver som skal bli førebudd. Alt hopar seg opp på skrivebordet. Eg prøver å rekke over alt på ein gong, og då blir det berre litt av alt. Ikkje den mest produktive dagen, akkurat! Eg får berre brette opp armane og samle nokre av dei lause trådane, alt blir lettare når ein har oversikt!

Her er forresten eit utkast til ei teikning som aldri blei med i Hundedagar. Eg trur ikkje eg har delt den på bloggen før? Kan jo vere artig å sjå kva som ikkje blei med og. Det er kanskje litt slik eg ser ut i dag?

tirsdag 6. oktober 2015

Ein time i skisseboka

I går satt eg ein time på kafé, og her er noko av det som dukka opp i skisseboka.




mandag 5. oktober 2015

Amy


Eg såg denne filmen i helga, og den anbefales på det varmaste, då den er både trist og veldig inspirerande på samme tid. Sjølv om Amy Winehouse sklei meir og meir ut, var ho og lidenskapeleg opptatt av musikken, og ho skreiv såre tekstar om det som hendte henne. Filmen er og veldig bra produsert, og det er god driv i historia heile vegen. Eit bra mandagstips hvis du vil sjå film i kveld!

fredag 2. oktober 2015

Oktober

Eg skulle eigentleg til Romsdalen ein liten svipptur for å halde foredrag på min gamle ungdomsskule, samt vere bokbadgjest på Rauma folkebibliotek. Alt det gjekk kjempebra, men samtidig med alt dette døydde plutseleg mi gamle farmor. Så då blei eg plutseleg verande i Romsdalen i ni dagar i staden for to, og turen fekk plutseleg eit litt anna innhald. Det var mykje trist og mykje fint, slik det ofte er når veldig gamle folk døyr brått. Men no er eg heime att og klar for oktober; eg håpar det blir ein fin månad!


fredag 18. september 2015

Montering!

Slik såg det ut dei to dagane eg monterte arbeidet mitt på Tegnerforbundet. Det er jo nesten 80 bilder med skisser og alt, så det tok tid! Heldigvis hadde me nokon til å assistere oss, så det var gull. Men eg måtte fram med kalkulatoren nokre gonger, for å seie det sånn. Åpninga var i går, og det var kjekt. No håper eg at mange tek turen, og kanskje kjøper noko og? Alle bilde er iallfall til salgs! På søndag er det artist talk klokka 13, og det anbefalar eg alle å komme på. Då får du høyre kva eg, Kristian og Xueting har tenkt med arbeidet vårt, og korleis me har jobba. Be there or be square!

fredag 11. september 2015

Kva som skjer framover

I kveld skal eg vere gjest på teikneseriefestivalen Stribefeber i Kristiansand. Der skal eg snakke om dilemmaer i sjølvbiografisk arbeid, og teikneserier generelt. Det trur eg blir gøy! Eg skal forøvrig vere i Kristiansand heile helga og få med meg litt andre ting på programmet og. Hvis du tilfeldigvis er i Kristiandsand bør du stikke innom!

Torsdag neste veke er det utstillingsåpning på Tegnerforbundet; der stiller eg ut samans med Kristian Krohg-Sørensen og Xueting Yang. Det trur eg blir knallbra, og eg håper mange av dykk tar turen dit. Byrjinga av neste veke går med til oppheng og forberedelsar, og etterkvart blir det både artist-talk og teikneserieworkshop.

Veka etterpå der skal eg til Rauma, og vere bokbadgjest på Rauma folkebibliotek. Dei ferraste av dykk er vel der oppe, men eg nemner det likevel. Eg skal og ha foredrag om boka mi på skulen der eg vaks opp, så det blir bra.

Det er travle veker foran meg, men det skal gå bra. Må berre ta ein ting av gongen og krysse dei av lista etterkvart. Det blir jo ein del å forberede i forkant av kvar post, så det går jo med litt tid. Det som er utruleg kjekt, i tillegg til å få oppmerksomheit rundt boka, er jo at eg faktisk får betalt for alt dette. Veldig greit å få tjent litt pengar på boka og, si. Og apropos pengar; Hundedagar er med på innkjøpsordninga no, og skal bli kjøpt inn til alle landets bibliotek. Hurra! Igjen; veldig glad for at boka får merksemd og når ut til publikum, men og veldig glad for å tjene pengar.

Her ser du forresten eit par sider frå skisseboka mi. Eg planlegg oppheng på Tegnerforbundet samt testar ut fargar til ei lita teikneseriehistorie. Skal bruke fargeblyant i ein serie for fyrste gong, og eg trur det kan bli bra.

mandag 7. september 2015

Ny veke, ny inspirasjon!


Eg har snakka om Lizzy Stewart før, men ho kan ikkje nemnast for ofte. Over ser du ein illustrasjon frå ei av reisedagbøkene hennar. Dei er så fine! Eg får lyst til å reise rundt med skisseboka mi, det er noko av det beste eg veit. Sjå fleire av reisedagbøkene hennar her.

Amy Egerdeen lagar bøker, fanziner, illustrasjonar og trykk. Mykje fint og inspirerande.

Sjekk ut illustratør Olga Tranchini. Veldig fin blyantstrek!

Illustratøren Katrin Coetzer bur i Cape Town, og det gjer at ho teiknar nydelege, afrikanske motiv. Sjekk ut nettbutikken hennar her.

Elskar dette bildet på Society 6, laga av illustratøren Yuliya. Nydelege fargar!

Tusen takk til dykk som bestilte fanzine av meg i helga, der alle inntektene gjekk til Røde Kors og flyktningkrisa. Til saman blei det 850 kroner som no er overført og øremerka saka! Tusen, tusen takk.

torsdag 3. september 2015

Kjøp fanzina mi og hjelp mennesker i nød!

Dykk hugsar sikkert fanzina eg lagde for nokre månedar sidan? Eg har fleire att, og no håper eg at enda fleire vil kjøpe. Eg gir nemleg alle pengane som kjem inn til Røde Kors og flyktningkrisa i Europa. Så du får altså ei fin fanzine i posten samstundes som du gir 50 kroner til mennesker i nød. Så altså; kjøp ei fanzine, og eg gir alle pengane som kjem inn til Røde Kors. Vinn vinn for alle! 



mandag 31. august 2015

Søknaden er levert!

I ei veke no har eg jobba heilt vilt mykje! I all ledig tid har eg teikna, jobba med manus og teikna litt meir. Eg har jobba til seint kvar kveld, men no er søknaden endeleg levert. Kryss fingre! Eg har ein meir detaljert stil i den nye boka, og mykje av handlinga foregår på natta. Då er det ekstra mykje skravering, og det tar tid. Det er jo ofte sånn at når ein har mykje å gjere med jobb, då ballar det på seg med andre ting og. Då eg borra eit hol hjå tannlegen på onsdag holdt eg på å sovne. Det var berre så utruleg deilig å sitte stille i ein stol og slappe av litt! Denne veka har eg tenkt å ta det litt meir med ro, for å seie det sånn. Eg skal ta ei pause frå boka mi og bruke gouache litt att. Eg skal blogge, sjå på TV-seriar, leite etter leiligheter på Finn (Oslo, here we come!) og teikne ein dagbokteikneserie om då eg var på Oslo Comics Expo. Det var ei litt rar (og fin!) helg. Eg skal og forberede undervisninga til fredag, for då underviser eg teikneserieklassa på Buskerud folkehøgskule. Det gjer eg kvar fredag no, og det er veldig kjekt!

mandag 24. august 2015

Svar på spørsmålsrunden!

Har du noen gode tips til å holde konsentrasjonen oppe på "hjemmekontoret"? 
Mitt beste tips er å skru av internett. Hvis ikkje er eg rask til å byrje å surfe rundt kvar gong eg står fast med noko eller jobbar med noko vanskeleg. Trikset mitt er å laste ned eit par nye podcastepisoder, skru av internett (eg brukar programmet "Freedom" til det) for ca 60-90 minutt, for så å jobbe konsentrert til internett skrur seg på att. Då tek eg meg ei pause, sjekkar mail og litt ymse eller kanskje tek meg ein matbit. Så skrur eg av internett att og jobbar. Kjem eg på noko eg vil sjekke på nettet etterpå noterer eg det berre ned. Så det er nok det beste tipset eg har! Og ja; gjere ein ting om gongen. Eg prøvar å ikkje teikne, blogge, svare på epost, finne kvitteringar og skisse, alt på samme formiddag. Då får eg berre høge skuldre og følelsen av at eg ikkje har gjort noko som helst. 


Har du noen gode råd til ei som vil bli litt flinkere til å skisse? 
Øve. Øve, øve, øve. Og sjå meir på motivet enn på arket! Og jobbe raskt og uanstrengt, utan å vere redd for resultatet. Øve, og ikkje vere redd. Det er nok essensen.  

Er det vanskelig å si seg ferdig med noe? Typ en bok? Og hvordan gjør du det? 
Ja, det er vanskeleg. Men ofte har ein ein deadline, og då MÅ ein jo vere ferdig. Også er det greit å tenkje på at ingenting kan vere perfekt. Og gjennom ei heil bok vil det både vere ting ein er kjempefornøgd med og ting ein kunne ynskje ein gjorde oppatt. Hvis ein har som mål at skal bli 110% perfekt blir ein nok aldri ferdig! Eg har fleire sider i "Hundedagar" som eg verkeleg ikkje føler er bra nok. Men sånn blei det! Og alt i alt så er eg fornøgd likevel. Men eg er ingen perfeksjonist då. Det er eg for utålmodig til! 



Har du en inspirasjonskilde du stadig søker tilbake til?
Hvis eg treng inspirasjon går eg inn på Pinterest. Der finn eg så vilt mykje fint! Så det er den inspirasjonskjelda eg brukar hyppigst. Ellers blir eg ofte inspirert når eg er ute og reiser (iallfall når eg reiser åleine med skisseboka) og på gallerirundar. Og av film! Ikkje minst.

Korleis fann du fram til teiknestilen din, og var du innom mange andre stilar på vegen? Har teiknestilen din utvikla seg mykje gjennom åra, eller har den vore ganske stabil? Og kanskje har du gamle teikningar å dele? Synst alltid det er så inspirerande å sjå korleis illustratørar utviklar seg over tid. 
Teiknestilen min har nok utvikla seg, samtidig som streken min har vore der heile vegen. Eg har eg prøvd ulike retningar no og då, men eg har alltid vendt tilbake til den litt skisseaktige stilen som er meg. Eg kan godt vise eit døme på ein stil som er mykje meir detaljert; den brukte eg til nokre kunstprosjekt for 5-6 år sidan. Det fungerte ikkje så bra, for eg byrja å kjede meg veldig mens eg hold på. Eg sakna den kjappare skissestreken min, og følte at særpreget mitt blei vekke. Kven som helst kunne ha teikna det, liksom. Eg kan og vise nokre eldre teikningar eg har laga, så her kjem det! 



Hvor er du utdanna? Så vidt jeg forstår har du bodd i Bergen. Hva likte du best å gjøre i Bergen? Har du noen illustrasjoner herfra? Jeg synes det er en så vakker by! 
Eg gjekk først på Kunstskulen i Bergen (KiB) som eg anbefalar veldig. Så tok eg grunnfag kunsthistorie og var forvirra over kva eg skulle gjere med livet mitt. Etter eit par år i villelse reiste eg til England og tok ein bachelor i visuell kommunikasjon med fordjupning i illustrasjon. Eg budde i Bergen frå 2000 til 2003, så det er ei god stund sidan. Den neste boka mi er henta derfrå, så då kjem det til å dukke opp mange fine Bergensmotiv! 


onsdag 19. august 2015

Rectify

Det er haustdrag i lufta og seriesesong att, og eg har blitt hekta på "Rectify". Det ligg ein sesong på norsk Netflix og to sesongar på amerikansk Netflix. Eg trur det er fire sesongar totalt? Eg er midt i sesong to no, og så langt er den veldig fin. Karakterane er så levende skildra, og serien har ein detaljrikdom som gjer historia truverdig. PS: Dykk kan fortsatt stille spørsmål til meg hvis dykk vil! Eg har fått inn nokre fine spørsmål allereie, men kjekt med fleire!

søndag 16. august 2015

Spørsmålsrunde!

Her er nokre blomar på tampen av sumaren. Eg teiknar utelukkande på den nye boka mi no, men i dag måtte eg berre finne fram blekket og teikne nokre raske skisser. Fram mot søknadsfristane framover blir det berre bok, bok, bok. Men kva med å ta ein liten spørsmålsrunde? Eg får avogtil spørsmål her på bloggen eller på mail, så no tenkte eg å ta min første spørsmålsrunde. Alt frå teiknetekniske ting, det kreative livet, utdanning eller heilt andre ting! Håper på mange fine spørsmål, eg svarer på det meste.



mandag 10. august 2015

Første smakebiten!

Her er altså første smakebiten frå den neste boka mi. Arbeidstittelen er "Bergen", og det handlar om då eg var student der på byrjinga av 2000-talet. Noko er ekte hendingar, noko er forandra for å skape driv i historia, men eg merkar at det er vanskeligare å lage sjølvbiografisk arbeid fra vaksenlivet enn frå barndommen. Berre det med anonymisering blir eit heilt anna spørsmål. Og kva vil eg eigentleg dele? Og hvis det er ting eg velgjer å ikkje dele, kva gjer det med historia? Det er mange vurderingar å ta, men eg trur det er viktig å vere modig og fortelje det slik det var. Det er då ein fortel dei viktigaste historiane!

tirsdag 4. august 2015

August

I september og oktober er det fleire søknadsfrister, så no i august er hovedfokuset mitt å komme så langt som mulig på den neste boka mi. Eg er inne i ein god jobbeflyt no, så det er berre å smi medan jernet er varmt. Nett no lagar eg storyboard, og det er liksom der all magien skjer for min del. Det kjennes litt som ein kabal som skal gå opp eller eit mattestykke ein må løyse, og alle moglegheiter er fortsatt åpne. Når eg kjem på ei god løysing som både driv historia vidare og samstundes er visuelt spanande får eg ein skikkelig godfølelse, og då kjenner eg verkelig at teikneserier er det beste eg veit. Ingen tvil i mitt hjarte. (Det er igrunnen aldri tvil i mitt hjarte når det kjem til akkurat det...)

September kjem til å bli ganske travel med både festival, utstilling og bokbad, så no skal eg bruke augst til å jobbe, jobbe, jobbe alt eg kan fram til då. Wish me luck!

fredag 3. juli 2015

God ferie!

Då er det straks ferie! Når barnehagen stenger blir det minimalt med jobbing, berre slik sporadisk på kveldar og i ledige augeblink. Eg jobbar jo med ein søknad som skal vere klar i slutten av august, så eg må prøve å få inn litt jobbetid her og der så det ikkje får alt for mykje å gjere etter fellesferien. Eg elskar jo kvardagen, men eg vonar det kan bli kjekt med litt ferie og! Eg skal telte i skogen, reise til Gdansk, dra på kanotur og ta dagsturar til Oslo. Eg skal stelle i hagen (min store hobby!) og rydde litt i saker og ting som har hopa seg opp. Og så skal eg underholde ein treåring. Ikkje minst! Hvis du har lyst kan du følge meg på instagram, der heiter eg anjadahle. Og PS: alle krefttestane eg tok for ei veke sidan var heilt fine. Hurra! God sumar til dykk alle.

tirsdag 30. juni 2015

Litt av kvart
























Ein dag skal eg finne nokre andre enn meg sjølv å teikne. Eg lovar. Lurer på kor mange Photo Booth-teikningar eg har av meg sjølv no? No har eg forresten teikna dei tre første sidene i den neste boka mi, og det er så fint å vere i gang! Eg var ganske skrekkslagen då eg teikna første ruta, for eg føler jo at andreboka må bli enda bedre enn førsteboka. Men no har skrekken løsna og eg berre kosar meg med teikninga og prosessen. Heldigvis.

Eg var jo på kreftkontroll på fredag, og no venter eg på svar på nokre testar att. Det er noko av det tyngste eg veit, men eg har iallfall fått meg ein ny (og bra!) psykolog. Hurra for det! Tenkte å ikkje teikne ei dagbokteikning om at eg har angst denne gongen, men heller teikne noko morosamt i staden. Har jo fleire gode historier eg kan teikne hvis eg berre tenkjer meg om. Og flaue historier. Men det er vel det flaue som er mest moro uansett!

tirsdag 23. juni 2015

Anmeldelsar og statusrapport!

Må berre få seie at eg har fått så vilt mykje meir merksemd rundt boka mi enn det eg hadde forventa. Eg har fått veldig bra anmeldelsar i Dagbladet, Morgenbladet, Dagsavisen, og Empirix, samt eit fint intervju i D2. Ja, og ein dårleg anmeldelse i BT. Hehe. Eg har og vore med på lister over anbefalt sumarlesning i både Dagbladet og Dagsavisen, og eg veit om enda ein anmeldelse som kjem på trykk etterkvart. Eg hadde virkelig ikkje trudd at eg skulle få så mykje publisitet og positiv merksemd rundt boka mi, og eg er så glad! 

Juni flyg forresten så fort avgårde. Tanken var å få vilt mykje gjort denne måneden (og det er jo ikkje for seint enno), men eg føler og at eg har stått litt i stampe. Det har vore så mykje som har stjelt tida mi i det siste, og eg har fått jobba minimalt med den nye boka mi. Jaudå; eg har fått trykka opp fanzina som eg prata om, eg har vore på OCX, samt at eg har brukt ein del tid på å organisere Grafillseminaret me hadde med der. Ja, så har eg jobba litt på biblioteket og. Og vore redd for kreft, slik eg bruker å vere i periodar. Det inneber alltid ein tur eller to til legen for å sjekke ting. Også har eg gjort ferdig historia mi til neste nummer av Forresten og, så eg har jo fått gjort litt. Eg har berre ikkje jobba på boka. Så no får den full fokus framover! Banna bein, altså. 

søndag 7. juni 2015

Fanzine og nettbutikk!


Då har eg endeleg fått laga meg ei fanzine med nokre av alle dagbokteikningane mine. Denne samlar alle teikningar frå då eg hadde kreft og tida etterpå (fram til no), og består av 24 sider. Opplaget er på 100 stk. Eg la ut eit bilde av fanzina på instagram, og då var det fleire som ville kjøpe eit eksemplar. Eg har derfor laga meg ein liten nettbutikk der du kan bestille den til 50 kr pluss porto. Plana er å få litt andre ting opp på nettbutikken etterkvart, men no ligg iallfall denne der i første omgang. PS: hvis du skal på OCX i helga kan du kjøpe eit eksemplar av meg direkte, eg kjem til å ha nokre i veska.

tirsdag 2. juni 2015

Fanzineworkshop!

Vil du lære å lage fanziner? Då må du bli med på workshopen vår! Grafill Teikneserier held seminar om small press og self-publishing torsdag 11. juni under Oslo Comics Expo, og i den forbindelse held me en fanzineworkshop med Decadence Comics (UK). Workshopen går av stabelen på Serieteket (Schous plass) kl 10.00, og den tar for seg dei forskjellige stega i ein fanzineproduksjon. Me lagar eigne fanziner, og me får hendige tips og triks på vegen.Ta gjerne med eigne teiknesaker og det utstyret du vil bruke, men Grafill stiller og med enkelt utstyr, papir og kopimaskin. Påmelding til grafill.tegneserier@grafill.no  (begrensa plasser). Workshopen passar både for deg som har laga fanziner før, og deg som er nybyrjar. 

Kl 19.00 held me paneldebatt om small press og self-publishing med Decadence Comics, Breakdown Press og The Treasure Fleet med moderator Flu Hartberg. Dette arrangeres og på Serieteket, og det vil vere åpen bar utover kvelden. Sjå ellers Oslo Comics Expo for fullt program for festivalen.

mandag 1. juni 2015

Juni


























Plana mi for juni er å få mykje gjort og jobbe knallbra. Eg er jo i gang med bok nummer to; "Bergen", og eg skal sende inn fleire søknadar med det prosjektet til hausten. Av erfaring veit eg at sumaren flyg så innmari fort avgårde, så no skal eg jobbe intensivt fram mot fellesferien, slik at eg kan ta fri og føle at eg har prosjektet under kontroll. Så det blir jobbing, samt ei langhelg i Oslo under Oslo Comics Expo. Der er eg både gjest, samt at eg arrangerer eit seminar i regi av Grafill Teikneserier. Eg har og planer om å trykke opp ei ny fanzine før OCX, så det må eg få gjort snart, og. Okei, då brettar eg opp armane med denne sangen på full guffe. Wish me luck!

fredag 29. mai 2015

Vinnaren er kåra!

Først må eg seie at eg blei så GLAD for alle kommentarane dykkar! Dykk skrev så mykje fint, og eg måtte lese alt høgt for mannen min. Eg skulle ynskje eg kunne gi bok til heile gjengen, men ein vinnar blei trekt, og det blei Hege. Send meg adressa di, så skal eg sende boka til deg så fort eg kan.

PS: Eg blei intervjua i D2 for ei veke sidan, samt at du kan lese ein veldig fin anmeldelse av boka mi på Serienett. Og ikkje nok med det; eg er på 5. plass på Tronsmo si bestselgerliste denne veka! OK, det var nok sjølvskryt for eit innlegg. God helg!




tirsdag 26. mai 2015

Vinn boka!

Vil du vinne eit eksemplar av Hundedagar? Og eit sett klistremerker som høyrer til? Då er det berre å hive seg med. Det einaste du treng å gjere er å legge att ein kommentar, der du fortel meg kva du likar å lese her på bloggen. Likar du å lese om prosessen bak arbeidet mitt? Sjå skisser? Lese intervju? Eller likar du dagbok-teikningane mine? Fortel! Då blir eg glad! Vinnaren trekkes på fredag. 

torsdag 21. mai 2015

Gamle måleri


Emile Auguste Hublin «Treats for the birds» 1870 (detalj)
Catherine Brass Yates (Mrs. Richard Yates) av Gilbert Stuart, 1793 (detalj)

Ein av mine inspirasjonskjelder er gamle måleri, og spesielt detaljane i dei.  Eg har ei Pinterestmappe der du kan sjå nokre av dei, og det er så utruleg mykje fint der! Spesielt i utsnitta ser ein kor levande alt er skildra. Eg prøver heile tida å variere komposisjonen og utsnitta i rutene mine, og det er mange grep ein kan gjere for å skape spaning og framdrift. Det gjeld berre å komme på dei, og då er det fint med slike inspirasjonskjelder lett for handa. 

På tirsdag var det forresten sleppefest for boka mi, så no er den 100% ute i verda! Det er så utruleg kjekt å sjå at fleire av dykk har kjøpt den allereie, så tusen takk for det! Eg lurer og på å ha ein liten give away her på bloggen snart, der ein kan vinne både bok og klistremerker. Det hadde kanskje vore noko?

fredag 15. mai 2015

Stockholm

Her er ein liten rapport frå turen min til Stockholm. Stockholm er ein fantastisk by, og eg vil anbefale absolutt alle å ta turen dit. Eg var der i fem net, så eg fekk oppleve meir enn berre Stockholm Internationella Seriefestival. Eg besøkte bla ein nydeleg park og ein botanisk hage, for hage er faktisk ein av mine største hobbyar. Så veit dykk det, og.

Noko av det finaste var turen til Moderna Museet, der eg såg Louise Bourgeois. Det var ei heilt fantastisk utstilling, og bileta under er henta derfrå. Hvis du ikkje kjenner arbeidet hennar frå før anbefalar eg deg å lese litt om ho. Ho lagde kunst heile livet, fram til ho døde i 2010, heile 98 år gammal. Ho jobba i hovudsak med teikning, tekstil og skulptur, og eg var så imponert over korleis ho brukte sitt eige liv i arbeidet. Ei veldig sterk og personleg utstilling som satt i magen etterpå.



















Eg teikna ein del i skisseboka mi og. Desverre blåste det nokre av dagane, og då var det ikkje heilt ideelt å sitte ute. Då teikna eg ei rask skisse som eg fargela inne på kafé eller på hotellet. PS. Maleboka med Bamse fungerte fint som bord i hotellsenga, men det var ikkje i den eg malte, altså.



























Eg gjorde og nokre innkjøp! Eg har eit vilt forbruk av blyantar, så eg hamstra opp på den fantastiske butikken Pen Store. Ei skattekiste av pennar, blyantar, blekk og papir. Eg kjøpte og ei mengde svenske teikneseriar på teikneseriefestivalen; det var så sjukt mange fine bøker der som eg har ynskja meg lenge. Det var veldig moro å besøke festivalen, og eg høyrde fleire fine foredrag. Eg helsa og på mange hyggelege folk, og eg var ute til seint på kveld. Eg fekk rett og slett så mykje ut av turen, at det kjendes som eg hadde vore der minst ei veke. Terningkast seks til Stockholm!